Nipasalig si Gobernador Roel Degamo nga mangita ug pundo aron matuman sa kagamhanang probinsyal ang gisaad sa nitaliwan nga gobernador sa lalawigan Gobernador Agustin Perdices nga mohatag ug 5 million pesos alang sa katukuran sa Dep Ed Dumaguete Division office.
Ang 5 Million pesos gihimo kini nga pledge ni kanhi Gobernadorr Perdices sa Dumaguete Dep Ed Division sa dihang wala pa masugdi ang pagtukod sa maong building. Ang maong pledge usab ang hinungdan kon nganong gipakunhuran sa Dep Ed central office ang budget alang sa katukuran sa maong bag-ong division office.
Ang bag-ong division office sa Dep Ed Dumaguete adto na mahimutang tapad sa Taclobo High School sa Barangay Taclobo sa dakbayan sa Dumaguete City.
Matud ni Dumaguete Division Superintendent Dr. Ramir Uytico nalipay siya nga ipadayon ni Gobernador Degamo ang commitment ni kaanhi Gobernador Perdices sanglit makatabang kini ug dako nga makompleto ang maong building.
samtang si Mayor Manuel Sagarbarria usab nipasalig nga mohatag ug dugang pundo alang sa mga fixtures ug furnitures sulod sa building.
Sumala ni Dr Uytico nikabat sa 6 million pesos ang gihatag nga pundo sa Dep Ed central Office ug malaumon siya nga mapadali ang gipasalig nga dugang pundo gikan sa kagamhanang probinsyal.
Walay lugar ang kinaiya nga “ningas cogon” o maayo ra sinugdanan nga kinaiya atol sa pagpahigayon sa Brigada Eskwela matud ni Dep Ed Dumaguete Division Superintendent Dr. Ramir Uytico.
Sumala ni Dr Uytico kinahanglan hinay-hinayon ug pitol ang kinaiya nga maayo ra sa sinugdanan tungod kay kini walay maayong ikahatag nga benepisyo sa komunidad.
Kini ang hinungdan nga tulo ka adlaw niya nga gimugna ang Brigada Eskwela Caravan lukop Dumaguete Division. Unang gilusad ang Brigada Eskwela Caravan niadtung lunes diin ilang gisuroy ang mga tunghaan sa taclobo, Magsaysay, camanjac, Balugo, candau-ay,batinguel ug west city elementary school.
Samtang karong adlawa bisitahon na usab nila pinaagi sa caravan ang tunghaan sa cadawinonan, junob,babajuba,cantil-e, hermenigilda, south city, dumaguete city high school ug calindagan highs school.
Karong adlawng biyernes himuon na usab ang brigade eskwela caravan sa city central elementary school, Amador dagugdag elementary school, north city ug sa dumaguete science high school.
Sumala ni Dr Uytico tanan niyang mga kauban nga mga supervisors, office staff ug mga utility iyang pakuyogon sa Brigada Eskewela diin skeletal force lamang ang mahabilin sa office. Buot niyang ipakita sa mga magtutudlo sa mga eskwelahan ug sa mga ginikanan nga nitabang ug nagpakabana usab ang buhatan sa Dep Ed sa brigade eskwela. Sa ingon usab niini nga paagi mas madasig ang mga teachers ug mga parents nga motabang sa Briigada Eskwela.
Hinuon wala kaayoy major nga ayuhon ang mga eskwelahan sa Dumaguete Division ilabbi na kadtong nahimong billeting area sa mga athletes atol sa Palarong pambansa. Ang importante na lamang nga buhaton mao ang pagpanlimpyo sa mga classroom nga mahimo na kini nga ready sa June 3 ang unang adlaw sa klase.
Dugang pamahayag ni Dr Uytico kinahanglan sa June 3 klase na diretso ug walay bisan usa ka bata ang manlimpyo sa first day ug classes.
Nanawagan karon ang Philippine Red Cross –Negros Oriental Chapter sa mga blood donor sa pag-donate ug dugo kini subay sa nasinati nga grabeng pagnihit sa supply sa dugo karong bulana.
Sumala ni Philippine Red Cross-Negros Oriental Chapter Administrator Louella Bael, tulo na lamang ka mga bag sa dugo ang available sa ilang buhatan. Kini naglakip sa usa ka bag sa type A, type B ug O samtang zero sa type AB.
Matud ni Bael expected na nila nga lean months ang bulan sa Abril ug Mayo apan pinaka-ubos ang ilang natala nga recod karong tuiga nga aduna lamang silay tulo ka bags sa dugo. Ang grabeng pagnihit sa dugo gumikan kini sa bakasyon ug sa bag-ohay pa lamang gipahigayon nga piniliay.
Hinuon adunay silay nakuha nga onse ka bag sa dugo gikan sa blood letting sa lungsod sa San Jose apan kini wala pa ma-screen diin posible nga dili tanan sa onse ka bags ang maka-pasar sa standard sa Philippine Red Cross.
Dugang pamahayag ni Bael nanghinaot sila nga adunay mga grupo nga mopahigayon ug blood donation activity aron madugangan ang ilang supply sa dugo kay bisan ang mga walk in donor dili gihapon maka-impatar sa panginahanglanon sa dugo.
Naglaum si Bael nga pagsugod unya sa klase karong June adunay mga blood donation campaign nga ipahigayon ang mga tunghaan.
Gipasabot ni Bael nga ang pag-donate ug dugo makahatag ug maayong epekto sa lawas sa tawo gawas pa niini makatabang pa gayud sa uban nga nagkinahanglan.
Alang sa mga interesado nga mo-donate ug dugo mahimo nga mobisita sa buhatan sa Philippine Red Cross sa may Bishop Epifanio Surban Street tapad sa buhatan sa Pag-ibig office sa dakbayan sa Dumaguete.
Usa ka 63 anyos nga lalaki naila sa pangalan nga Policarpo Linihan ang gidakop sa kapulisan human nasakpan nga nagtanom ug marijuana sa iyang panimalay sa sitio Anibongnan sa Barangay Banawe sakop sa lungsod sa Santa Catalina.
Ang pagtanom o pag-alima ug marijuana usa ka kalapasan sa Republic Act 9165 o mas naila nga nDangerous Drugs Act.
Ang mga kapulisan sa lungsod sa Pamplona pinanguluhan ni Police Senior Inspector Renato Bureros atol sa ilang pagpahigayon sa investigative patrol nasigpatan si Policarpo nga nag-atiman sa iyang napulo ka mga semilya sa marijuana sa iyang balay.
Samtang sa dugang pakigsusi nakit-an sa mga kapulisan ang laing 36 ka mga punuan sa fully grown nga marijuana plant nga gitanom duol lamang usab sa iyang balay.
Ang mga sakop sa Pampona police maoy mismo nipahigayon sa pag-pangitabot sa mga marijuana nga tanom diin kini ebedensya sa kaso nga ipasaka batok ni Policarpo Linihan.
Si Policarpo Linihan u gang gipang-ibot nga marijuana plant anaa karon sa kostordiya sa kapulisan Pamplona ug pasakahan sa kasong paglapas sa RA 9165.
Aron malikayan ang taas nga linya sa mga botante nihagit karon ang mga na-elected nga mga politiko nga unta dugangan ang Precinct Count Optical Scanner kon PCOS machine ug himuon ang eleksyon sa mga halawanay nga lugar sama sa gymnasium.
Kini maoy nahimong sugyot ni re-elected Dumaguete City Mayor Manuel Sagarbarria ug elected Governor Roel Degamo human sila gipangayu-an sa ilang opinion aron ma-improved ang automated system sa election sa nasud.
Sumala ni Mayor Sagarbarria pabor gihapon siya sa automation para sa 2016 elections pero unta ilisan na ang mga pcos machine nga gigamit karong 2013. Nagduda siya nga mas daghan pa unya ang dili na mogana sa 2016 kay gani daghan naman gani sa mga pcos ang nipalyar karong tuiga nga election.
Kon mahitabo nga mao lang gihapon ang PCOS nga gamiton posible nnga mas madugay na hinuon ang pagpa-abot sa resulta sa piniliay.
Dugang niyang gisugyot nga kon mahimo ang mga areas nga adunay gymnasium adto didto himuon ang pagbotohanay aron mas daghan ang makabuto ug mas dali. Sa ingon niini dili na maghulat ug dugay ang mga botante.
Kon kahinumduman nga hapit adunay magsinumbagay nga mga botante sa Dumaguete City High School tungod lagi sa kataas sa linya ug ka-init sa ulo gumikan sa kataas sa linya sa paghulat.
Ang mga ingon niini nga panghitabo mahimong malikayan kon maba ra ang linya sa mga botante.
Sa iyang bahin si Governor elect Degamo namahayag kon mahimo himuon ang pagboto sa mga dagko nga lawak aron dili maghuot ang mga botante.
Himuon karong buntag ang pag-proklamar sa mga mananaog sa pagka-gobernador, bise gobernador, kongresista ug mga board members sa second district. Kini maoy pamahayag ni OIC Provincial Election Supervisor Atty Juvenal Tuale kagabii human nga nagkaguliyang ang mga political supporters kon nganong dugay ang proclaimation sa mga mananaog.
Alas sais unta kagabii mag-convene pag-usab ang provincial board of canvassers aron pag-kompleto na sa mga election results ug pag-proklamar sa mga mananaog ilabi na sa gubernatorial position apan gi-suspend ni Atty Tuale tungod kay wala paman ang election result sa Bindoy ug Bayawan.
Gipasabot ni Atty Tuale nga ang niabot nga CF card para sa Bindoy nasayop ang pangalan sa clustered precincts ug dili maong barangay samtang ang CF card para sa Bayawan wala pa usab ma-abot.
Matud ni Atty Tuale wala siya masayod kon nganong wala nagdungan ang pag-abot sa CF cards nga unta dungan man ang iyang pag-requests ug replacement didto sa smartmatic.
Apan ang mga supporters ni Gobernador Roel Degamo nidagsang sa atubangan sa kapitolyo ug nanawagan nga i-proklamar na ang mananaog sa Gobernatorial position.
Si incumbent Gobernador Degammo kinsa maoy nag-lead ug 42 thousand votes sa number of votes batok sa tulo niya ka mga atbang nga mga gubernatorial candidates nga sila si 1st District Congresswoman Jocelyn Limkaichong, Gary Teves ug Sammy Torres.
Kini ang hinungdan nga nangayo ug opinion si Atty Tuale ni Comelec regional Director Atty Eddie Aba kon mahimo ba nga i-proklamar ang gobernador ug bise gobernador sanglit ang duha ka mga pending nga mga areas sa Bindoy ug Bayawan dili naman maka-apektado sa buto sa mga mananaog.
Sumala ni Atty Aba mahimo kini nga buhaton diin tungod niini mangayo sila ug certification sa Election officer sa Bayawan ug Bindoy pagpamatuod nga dili maka-apekto ang number of votes sa clustered precinct nga wala pa na-ihap ang buto.
Subay niini karong buntag himuon ang proclaimation sa mga mananaog pagka-gobernador, bise gobernador, kongresista ug mga board members sa ikaduhang distrito diin maoy unang naka-kompleto sa pag-canvass sa election results.
Giila nga mas taas ug voters turn out karong tuiga kon ikomparar sa piniliay niadting 2010. Sumala ni Parish Pastoral Council for Responsible Voting kon PPCRV Chairman Engr Fred Magallano mas taas ang voters turn out karong tuiga nga piniliay sanglit niabot man sa 80.6 kon ikomparar sa 2010 elections nga 70% lamang ang voters turn out.
Sumala ni Magallano daghan ang mga factors diin ma-attribute ang hinungdan kon nganong ta-as ang voters turn out diin usa sa rason mao ang interesting nga panagtigi sa duha ka mga grupo sa mga political candidates nga magpapili sa pagka-mayor ug bise mayor.
Sa Dumaguete City ang nagtige mao si incumbent Mayor Manuel Sagarbarria ug incumbent vice Mayor Alan Gel Cordova.
Nahimong mananaog ang tandem nila ni Mayor Sagarbarria ug kanhi Vice Mayor Woodrow Maquiling. Kon kahinumduman nga sa nakalabyng piniliay nag-atbang si Sagarbarria ug maquiling sa pagka-mayor.
Gani usa ka electoral protests ang gipasaka ni Maquiling batok ni Sagarbarria tungod sa alegasyon nga adunay mga present nga gidaya ang resulta apan sa paglabay sa panahon sulod sa tulo ka tuig daghan na ang nahitabo ug gi-withdrew ang ni Maquiling ang kaso batok ni Sagarbarria.
Karong 2013 nga election silang duha ang nagka-uban sa partido ug sila usab ang nidaog sa pinaka-taas ug butos nga nakuha.
Dugang pamahayag ni Engr Magallano posible usab nga dakong factor ang pagpagawas ug dakong salapi sa piniliay maong taas ang voters turn out.
Dili mominos sa dos syentos ka mga printed election results para sa Parish pastoral Council for responsible Voting ang wala na-handle ug maayo sa mga Board of Election Inspectors kon BEI. Kini maoy obserbasyon sa convemor sa Diocesan Electoral Board nga si Msgr Julius Heruela.
Sumala ni Msgr Heruela daghan kaayo ang mga Election results nga maglisod sila sa pagbasa tungod kay gipa-pilitan diretso sa sealed sticker ang mismong election results.
Matud ni Msgr Heruela ang insaktong pag-handle sa election results mao nga human nga ma-printa , pirmahan sa chairman sa BEI u gang mga political witnesses dayon isulod sa brown envelope nga gi-provide sa comelec. Human kini masulod sa envelope una pa kini butangan ug sealed sticker dayon pirmahan.
Apan ang nahitabo naghukas ang mga election results nga gipang-hatag nga copy alang sa PPCRV.
Lain usab nga pbservation ni Msgr Heruela mao ang dinangag sa BEI diin ang gihatag nga copy sa PPCRV mao ang initial printed copy sa ER. Ang initial printed copy sa ER mao kini ang unang i-printa una pa magsugod ang pagbutohanay pagsiguro nga zero ug walay sulod ang cf cards.
Sama sa nahitabo sa nakalabayng piniliay daghan gihapon sa mga BEI ang magdumili sa paghatag ug copy sa PPCRV diin kini mandato man sa COMELEC isip accredited nga citizens arm.
Napulo ka mga compact flash cards ang gikinahanglan hulipan dinhi sa
Negros Oriental tungod kay na-corrupted ang main memory card nga
gigamit sa PCOS machine. Kagahapon sa buntag alas onse ang takna
ni-abot via 2GO ang official courier sa COMELEC election 2013 ang
lima ka mga compact flash cards samtang dugang niabot ang duha ka
mga CF cards pagka-hapon.
Ang mga CF cards alang kini sa duha ka mga clustered precinct sa
Mabinay, usa sa Pamplona, Bais City, Basay, Santa Catalina, Dumaguete
City ug Bindoy.
Ang CF cards sa Tanjay ug Bayawan ang gilauman maabot karong buntag.
Sumala ni Provincial Election Supervisor Atty Juvenal Tuale kon
makasugod dayon sa pag-convene ang mga board of canvassers sa mga
apektakdong lungsod nan masugdan usab dayon ang pag-scan sa mga
ballota.
Ang matag clustered precinct adunay botante nga dili mominos sa
usa ka libo.
Human sa canvassing sa lokal level gilauman nga ma-transmit na dayon
sa provincial board of canvassers ang resulta sa siyam ka mga
lungsod.
Gipanghinaot ni Atty Tuale nga karong adlawa mahuman ang canvassing
dinhi sa Negros Oriental.
Ang provincial Board of Canvassers ang proklamar sa mga mananaog
gikan sa mga kongresista, governor, vice governor, ug mga board
members sa matag distrito.
Hangtud karon nagpadayon ang giyera tali sa mga sundalo sakop sa
79th Infanty Batallion sa Philippine army batok sa mga gituhuang
grupo sa new peoples army sa kabukiran sa lungsod sa Santa Catalina.
Dili mominos sa 120 ka mga pamilya ang ni-evacuate sa ilang mga
pinuy-anan tungod sa kahadlok nga ma-apil sa engkwentro tali sa
military ug npa.
Sumala ni 79th IB Commander Lt Col. Marion Sison nakig-coordinate na
sila sa Department of Social Welfare and Development sa lungsod sa
Santa Catalina aron pagsiguro nga protected ug napahimutang ug
maayo kahimtang sa mga apektadong pamilya ilabi na ang mga kabataan.
Gibutayg usab ni Col. Sison nga adunay usa ka gituhuang sakop sa
NPA ang napatay atol sa enkwentro u gang patayng lawas ilang gi-turn
over sa kapitan sa barangay San Francisco aron ma-claim sa pamilya.
Matud niya jhangtud karon walay pamilya nga ni-claim sa patayng
lawas sa usa ka lalaki nga may pangidaron nga dili mominos sa 20
anyos. Samtang gituhuan nga namatay usab ang usa ka minor de edad
nga babaye nga may pangidaron ug 14 ngadto sa 18 anyos nga kauban sa
mga NPA nga nisibat palayo sa encounter site.
Sa panig sa sundalo duha ang napatay atol sa engkwentro niadtung
adlawng lunes ug kagahapong adlawa atol sa padayon nga engkwentro
sa mga mga sundalo ug NPA.
Matud ni Col Sison padayon pa nila nga gipahigayon ang clearing
operation sa mga encounter area ug hangtud karon nagpadayon pa
gihapon ang ilang paglanat sa mga sakop sa NPA.
Giklaro ni Col. Sison nga medyo dako ang gryupo nga ilang
naka-engkwentro diin gibana-bana nga adunay gidaghanon nga 50 ka
armadong rebelde.
Kini gituhuan nga gikan sa laing grupo sa Negros nga nitingob
dinhi sa grupo sa oriental side.
Gipsalig ni Col Sison nga dili nila undangan paglanat ang mga
rebeldeng grupo nga maoy nagdala ug kagubot sa probinsya.
Ang chaplain sa San Francisco Chaplaincy nga si Fr Mark Vilos sa usa
ka text messages namahayag nga ang mga tawo sa iyang chaplaincy
gipa-evacuate aron dili ma-apil sa crossfire. Ang ilang mga
hayupan nahimong abandonado tungod kay dili paman mosugot ang
military nga mobalik sila sa ilang lugar tungod kay nagpadayon pa
gihapon ang giyera.
Kagahapon sa buntag si Gobernador Roel Degamo nimando na sa DSWD sa
probinsya sa paghatag ug 50 ka sakong bugas alang sa mga pamilya
nga nang-evacuate.
