Usa sa mga pangalan nga nalambigit sa Martinez case nidangop sa Dumaguete PNP

Nidangop sa buhatan sa kapulisan sa dakbayan sa Dumaguete si Ian
Tamparung human nga niguwas ang iyang pangalan sa kasong pagpusil
patay ni Atty Archer Baldwin Martinez.

Si tamparung usa ka 33 anyos, minyo ug lumad nga taga barangay maayong
tubig sa lungsod sa Dauin.

Matud ni Tamparung nidangop siya sa kapulisan dili tungod nga
mo-surrender apan buot lamang niyang maklaro ug malimpyohan ang iyang
pangalan ug ang pangalan sa iyang pamilya human nadungog nga usa siya
sa gi-imbestyigahan sa kapulisan.

Matud ni tamparung naguol kaayo siya nga adunay mga kapulisan nga
nag-imbestigar sa iyang pagkatawo ug sa iyang pamilya.

Gi-angkon ni Tamparung nga si Atty Martinez ang abogado sa iyang
igsuon nga iyang ka-atbang sa kaso tungod sa problemang pamilya. Matud
niya wala siya makaila ni Atty Martinez bisan tuod ug abogado kini sa
iyang igsuon sa kaso batok kaniya.

Matud ni Dumaguete City Chief of Police Col. Crisaleo Tolentino
gikalipay niya ang pagdangop ni tamparung sa buhatan sa kapulisan aron
paglimpyo sa iyang pangalan. Kini nakatabang usab sa pagpadali sa
pag-imbestigar sa kaso ni Atty. Martinez.

Sa kasamtangan padayon ang imbestigasyon sa kapulisan diin lakip na
ang mga kaso nga gikuptan ni atty martinez nga posibleng maoy motibo
sa krimen.

Matud ni Col Tolentino mokabat na lamang sa lima ka mga kaso ang
ilang gi-imbestigah nga ilang gilauman nga makatudlo sa motibo ug
suspetsado sa pagpusil patay sa abogado.